Саласының жағдайы туралы ағымдағы ақпараты

ҚР АӨК дамытудың 2017-2021 жылдарға арналған мемлекеттiк бағдарламасының Ақмола облысы бойынша
2019 жылғы қаңтар-наурыздағы iске асырылуының барысы туралы ақпарат

Ауыл шаруашылығының жалпы өнiмi

2019 жылғы наурыз айында ауыл шаруашылығы өнiмiнiң жалпы шығарылымы 33 444,0 млн.теңгенi құрады, оның iшiнде: өсiмдiк шаруашылығы — 462,0 млн. теңге, мал шаруашылығы — 32 981,0 млн. теңге. Нақты көлем индексi — 114,9%, оның iшiнде өсiмдiк шаруашылығының НКИ — 100,0%, мал шаруашылығының НКИ — 115,1% құрады.

АӨК еңбек өнiмдiлiгiнiң өсiмi 13,1%-ға (2018 жылғы қаңтар-қыркүйекте, с.i. ауыл шаруашылығы 11,7%-ға, тамақ өнiмдерiн өндiру 9,0%-ға), ауыл шаруашылығы өнiмдерiнiң экспорты 13,8%-ға өстi (2018 жылғы қаңтар-желтоқсанда — 1607,0 мың тонна 293,0 млн.долл. АҚШ).

Облыстың ауыл шаруашылығында жұмыспен қамтылған халық саны облыстың еңбекке қабiлеттi халқының арасынан 30,3%-дан астамы жұмыспен қамтылған (барлығы 407,6 мың адам, оның iшiнде ауыл шаруашылығында — 123,6 мың адам).

2018 жылғы ауыл шаруашылығы саласында орташа жалақы 2017 жылға қарай 8,9% ұлғаюымен 110 664,0 теңгенi құрайды (101,6 мың теңгеден 110,6 мың теңгеге дейiн). Бұл көрсеткiш республика бойынша облыстар арасында шығынды болып табылады.

Мемлекеттiк қолдау

2019 жылы қайтарылмайтын мемлекеттiк қолдау ретiнде 2018 жылғы деңгейден 1,2 есе жоғары 35,7 млрд. теңге бөлiндi (2018 жылы — 28,6 млрд. теңге), оның iшiнде:

- өсiмдiк шаруашылығына — 11,3 млрд. теңге (гербицидтердiң қолжетiмдiлiгiн арттыруға — 9,1 млрд. теңге, тыңайтқыштардың құнын субсидиялауға — 1,7 млрд. теңге, тұқым шаруашылығын қолдауға — 0,6 млрд. теңге);

- мал шаруашылығына — 4,7 млрд.теңге (асыл тұқымды мал шаруашылығын дамытуды, мал шаруашылығы өнiмiнiң өнiмдiлiгiн және сапасын арттыруды субсидиялау — 4,6 млрд. теңге, шағын несие бойынша iшiнара кепiлдiк беру — 0,05 млрд. теңге, микроқаржы ұйымдарының операциялық шығындарын субсидиялау — 0,01 млрд. теңге, тексеру одақтарын субсидиялау — 0,05 млрд. теңге);

– инвестициялық салымдарға және қайта өңдеудi субсидиялауға шамамен 8,7 млрд. теңге (инвестициялық салымдарға — 8,4 млрд. теңге, қайта өңдеу кәсiпорындарының шығындарын субсидиялауға — 0,2 млрд. теңге, дайындаушы ұйымдарын субсидиялауға — 0,09 млрд. теңге, сақтандыруға — 0,05 млрд. теңге);

– қаржылық сауықтыруға және лизинг бойынша сыйақы мөлшерлемесiнiң орнын толтыруға — 10,9 млрд. теңге (қаржылық сауықтыруға — 4,2 млрд.теңге, лизинг бойынша сыйақы мөлшерлемесiнiң орнын толтыруға — 6,7 млрд. теңге).

2019 жылға қосымша қажеттiлiк 8,3 млрд. теңгенi құрайды (оның iшiнде өсiмдiк шаруашылығы — 2,0 млрд. теңге, мал шаруашылығы — 5,5 млрд.теңге, қайта өңдеу — 0,8 млрд. теңге).

Ауыл шаруашылығының негiзгi капиталына салынған инвестициялар

Облыс ауыл шаруашылығының негiзгi капиталына салынған инвестициялар 2,8 млрд. теңгенi немесе 2018 жылғы деңгейге 69,1% құрады, оның iшiнде:

- меншiктi қаражат — 1,8 млрд. теңге;

- банк кредиттерi — 0,08 млн. теңге;

- басқа қарыз қаражаты — 0,8 млн. теңге.

Өсiмдiк шаруашылығы

Ақмола облысында 2019 жылы 4739,5 мың га алқапта жаздық егiс жүргiзу жоспарлануда, оның iшiнде дәндi және дәндi-бұршақты дақылдар 4306,7 мың га алқапта (бұл өткен жылдың көрсеткiштерiнен 5,4 мың га төмен) орналастырылатын болады.

Бұл ретте негiзгi азық-түлiк дақылы жаздық бидай 3606,7 мың га алқапта егiледi (Меморандум көрсеткiштерiнен 8,0 мың га төмен).

(арпа — 593,3 мың га, сұлы — 48,4 мың га, тары — 0,5 мың га, қарақұмық — 0,3 мың га, нут — 4,3 мың га, бұршақ — 14,3 мың га және жасымық — 38,1 мың га).

Ағымдағы жылы майлы дақылдар алқабы 247,6 мың га құрайды (Меморандум көрсеткiштерiнен 356 га жоғары), бұл майлы дақылдарды өсiру технологиясын қатаң сақтай отырып, өңiрде майлы тұқымдарды өндiру көлемiн ұлғайтуға мүмкiндiк бередi.

Мал азығы дақылдардың жаздық егiсiн 163,9 мың га алқапта жүргiзу жоспарлануда (Меморандум көрсеткiштерiнiң деңгейiнен 2,7 мың га жоғары). Жалпы облыс бойынша мал азығының жалпы ауданы (өткен жылдардағы көпжылдық шөптердi есепке алғанда) 662,8 мың га құрайды, бұл ретте мал азығы дақылдарының үлес салмағы егiстiкте (егiстiк 5708,8 мың га) 11,6% құрайды.

Жұртшылықты есепке алғанда картоп пен көкөнiстердi отырғызу алаңы 17,4 мың га және 3,9 мың га құрайды.

Жалпы 2019 жылы жоспарланған ауыл шаруашылығы дақылдарының егiстiк алқабы өткен жылдың көрсеткiштерi мен егiстiк алқаптарының құрылымын әртараптандыру жөнiндегi Меморандум деңгейiнде болады.

Ауыл шаруашылығы техникасының дайындығы

Ағымдағы жылдың егiс егу науқанына 16,1 мыңнан астам астық тұқым сепкiштер және өнiмдiлiгi жоғары 1243 егiс кешенi қатысатын болады, олармен ағымдағы жылы 65% астық танабын егу жоспарланып отыр, бұл ылғал сақтау технологиялары бойынша егiстiк алқабын 3,3 млн. га дейiн жеткiзуге мүмкiндiк бередi.

2019 жылғы 15 сәуiрдегi жағдай бойынша ауыл шаруашылығы техникасының дайындығы 100,0% құрайды.

Мал шаруашылығы

Статистикалық деректер бойынша облыс шаруашылықтарының барлық санаттарындағы IҚМ басының жалпы саны 2019 жылғы 1 сәуiрдегi жағдай бойынша 487,4 мың мал басын құрайды (2018 жылдың тиiстi кезеңiне 104,0 %), оның iшiнде сиыр — 216,5 мың мал басы (103,0 %).

Жылқы 189,5 мың (109,1 %), құс 7475,4 мың басты (122,9 %) құрады.

Қой мен ешкi саны 630,4 мың (103,3 %), шошқа 129,6 мың басты (96,2 %) құрады.

Облыста тiрi салмақта 33,4 мың тонна ет (129,4 %), 61 мың тонна сүт сауылды (104,1 %), 211,2 млн.дана жұмыртқа өндiрiлдi (102,2 %).

Бордақылау алаңдары

Кондициялық малдың қажеттi көлемiн қалыптастыру үшiн,олардың 7-i бiр мезгiлде бордақылаудың жалпы қуаттылығы 19,0 мың басты құрайтын, мал бордақылау алаңдарының iрi желiсi жұмыс iстейдi (Зерендi ауданының «Щучинск ГМЗ» ЖШС, Қорғалжын ауданының «Агро Экспорт ЛТД» ЖШС, Жақсы ауданының «Новокиенка» ЖШС, Астрахан ауданының «Колутон-04» ЖШС, Шортанды ауданының «Новокубанское» ЖШС, Есiл ауданының «Заречное» ЖШС).

Iрi қара мал етiнiң экспорттық әлеуетiн дамыту бағдарламасы аясында арнайы бордақылау алаңдарына қойылған бұқашықтардың жалпы саны облыс бойынша 2019 жылдың 11 сәуiрiне 1411 мал басын құрады (6,2%).

Тұқымдық түрлендiру

Тұқымдық түрлендiрудi жүргiзу бойынша iс-шаралар орындалуда. Нәтижесiнде 2019 жылғы 11 сәуiрдегi жағдай бойынша бұл процеске 9,4 мың аналық бас немесе барлық аналық мал басының 4,6%-ы тартылған.

Сүт сатып алу

2019 жылғы 11 сәуiрдегi жағдай бойынша барлығы 2,0 мың тонна сүт жиналды, оның iшiнде ауыл шаруашылығы кооперативтерiмен — 0,8 мың тонна.

Азық-түлiк белдеуi шеңберiнде инвестициялық жобаларды iске асыру

Нұр-Сұлтан қ. төңiрегiндегi азық-түлiк белдеуi бойынша 2019 жылы 10,3 млрд. теңгеге 10 инвест жобаны iске асыру жоспарлануда, оның iшiнде:

АҚК құрылысы бойынша 3 жоба:

- Көкшетау қ., «Көкше Престиж Бидай» ЖШС;

- Есiл ауданы, «Ново-Приречное» ЖШС;

- Целиноград ауданы, «WESSAR» ЖШС.

2 көкөнiс қоймасы мен жылыжай кешенiнiң құрылысы бойынша жоба:

- Ерейментау ауданы «ABBAS GROUP» ЖШС;

- Аршалы ауданы «Наиль-Астана» ЖШС.

1 ұн өндiру жобасы:

- Жақсы ауданы «Урожай» ЖШС.

Ет өндiру бойынша 3 жоба:

- Атбасар ауданы «Әрiп Агро» ЖШС;

- Зерендi ауданы «Блиц Терминал» ЖШС (құс етi);

- Целиноград ауданы «Асыл Тағамдар» ЖШС.

1 сүт өндiру жобасы:

- Целиноград ауданы «Family Farm» ЖШС.

Қайта өңдеу

Ақмола облысында өндiрiстiк қуаттылығы жылына 37,8 мың тоннаны құрайтын ет өңдейтiн 15 кәсiпорын, өндiрiстiк қуаттылығы жылына 146,8 мың тоннаны құрайтын сүт өнiмдерiн өндiретiн 15 кәсiпорын, өндiрiстiк қуаттылығы жылына 960,0 мың тоннаны құрайтын 47 ұн тарту кәсiпорындары, өндiрiстiк қуаттылығы жылына 49,3 мың тоннаны құрайтын майлы дақылдарды өңдейтiн 8 кәсiпорын, өндiрiстiк қуаттылығы жылына 89 мың тоннаны құрайтын нан-тоқаш өнiмдерiн пiсiретiн 187 кәсiпорын бар.

2019 жылдың 2 айында 15,3 млрд.теңгеге азық-түлiк өнiмдерi өндiрiлдi (2018 жылдың тиiстi кезеңiне 116,9 %).

Ет өнiмдерi өндiрiсiнiң өсуi байқалды, ол 5,2 млрд.теңгенi (2018 жылдың ұқсас кезеңiне 164,9%), ұн 2,8 млрд. теңгенi (2018 жылға қарай 109,6%), сүт өнiмдерi 2,0 млрд. теңгенi (2018 жылдың ұқсас кезеңiне 111,7%), өсiмдiк майы 0,4 млрд. теңгенi (2018 жылға қарай 105,3%) құрады. Тамақ өнiмдерiн өндiру құрылымында негiзгi үлестi ет өңдеу саласы 33,9%, астық өңдеу 18,3%, сүт 13,1%, нан және нан-тоқаш 5,2%, өзге салалар 29,5% алады.

Ветеринариялық-санитариялық қауiпсiздiк туралы

Бүгiнгi таңда облыс аумағында жануарлардың аса қауiптi аурулары бойынша эпизоотиялық жағдай қолайлы болып табылады, бұл мал шаруашылығы саласында бағдарламаларды сәттi жүзеге асыруға және облысымыздың аумағында өндiрiлетiн өнiм мен шикiзатты тыс жерлерге еркiн шығаруға мүмкiндiк бередi.

Ветеринариялық препараттармен қамтамасыз етiлгендiк жоспарлы көктемгi ветеринариялық профилактикалық iс-шараларды ақпан айының ортасынан бастауға мүмкiндiк бердi, бұл олардың жоспарға сәйкес толық аяқталуын қамтамасыз етедi.

Облыс бойынша қан сынамаларын алу мен зертханаларға жеткiзу және ауыл шаруашылығы жануарларының вакцинациясы бойынша ветеринариялық iс-шаралар 1-тоқсанда бекiтiлген жоспарларға сәйкес орындалды (Бруцеллезге IҚМ-нiң 152,0 мың басы зерттердi немесе бiрiншi тоқсанның жоспарынан173 %, 325 бас оң әрекет көрсеттi, ҰМ-ның 127,6 мың басы немесе 140%, 100 бас оң әрекет көрсеттi. Барлық оң әрекет көрсеткен жануарлар заңнамаға сәйкес санитариялық союға және қайта өңдеуге тапсырылады. Құтыруға қарсы вакцинаци, эхинококкозға қарсы дегельминтизация, қарасанға, сiбiр жарасына, нодулярлы дерматитке қарсы вакцинация, туберкулез және маңқаға қарсы диагностикалық зерттеулер өткiзiлдi).

115 объектiде 14,0 мың шаршы метр алаңда оң әрекет көрсеткен малдар ұсталған үй-жайларда мәжбүрлi дезинфекциялау жүргiзiлдi.

Басты мiндеттердiң бiрi АШЖБ дерекқорын порталды режимде жүргiзумен ауыл шаруашылығы жануарларының нақты басын есепке алу болып табылады.

Бүгiнгi таңда IҚМ 32%-ға (жылдық жоспар 157,665 мың бас, сәйкестендiрiлгенi 50,0 мың бас), ҰМ — 23%-ға (жоспар 220,840 мың бас нақты 51,6 мың бас), шошқалар — 28%-ға (жоспар 48,832 мың бас,нақты 13,9 мың бас) және жылқылар — 7%-ға (жоспар 36,796 мың бас, нақты 2,5 мың бас) бiрдейлендiрiлдi. Ауыл шаруашылығы жануарларын сәйкестендiру бойынша жұмыс Жоспарға сәйкес ағымдағы жылдың соңына дейiн жалғастырылатын болады.

Облыс аумағында эпизоотиялық амандықты қамтамасыз ету мақсатында мемлекеттiк ветеринариялық-санитариялық бақылау және қадағалауды қамтамасыз ету бойынша жұмыстар жүргiзiлуде.

2019 жылдың өткен мерзiмiнде мемлекеттiк ветеринариялық дәрiгерлермен жеке және заңды тұлғаларға орындау үшiн 194 ұйғарым берiлдi.

Ветеринариялық-санитариялық бақылау және қадағалауды қамтамасыз ету бойынша iс-шараларды өткiзу нәтижесiнде 1,7 млн. теңге сомасына 39 жеке және заңды тұлғалар әкiмшiлiк жауапкершiлiкке тартылды.

Ветеринариялық қауiпсiздiк мәселелерi облыс әкiмдiгiнiң тұрақты бақылауында.

Құрылған күні: 16.04.2015 16:01
Жаңартылған күні: 08.05.2019 10:39
Қаралым саны: 8487
Қонақтарға арналған ақпарат
Инвесторлар үшін Call-Center
+7 (708) 717-17-75

Қаз Рус