Дін

Ақмола облысындағы
2018 жылғы 1 қазандағы жағдай бойынша дiни ахуал
туралы ақпарат

Облыста 196 тiркелген дiни бiрлестiк (бұдан әрi — ДБ) әрекет етедi: ислам — 97, православ — 44 , католик — 11, протестанттық — 43 , дәстүрлi емес Бахаи дiнi — 1.

Сонымен қатар, мемлекеттiк тiркеуден бас тартып отырған евангель христиан-баптистерiнiң 10 қауымдастығы бар (Көкшетау қ., Степногорск қ., Бұланды ауданының Макинск қ., Есiл ауданының Есiл қ., Бурабай ауданының Щучинск қ. және Бурабай к., Жақсы ауданының Запорожье а., Атбасар ауданының Сергеевка а., Астраханка ауданының Астраханка а., Сандықтау ауданының Балкашино а.).

Дiни объектiлер — 159, оның iшiнде: мешiт — 97, православ шiркеуi — 28, католик костелi — 11, протестанттық құлшылық ету үйлерi — 23.

Облыс аумағында жергiлiктi атқарушы органдармен келiсiлген дiни ғимараттардан тыс дiни рәсiмдер өткiзуге арналған 19 ғимарат бар (намазхана — 17, православ кiшi ғибадатханасы — 1 және православ дiнiн уағыздауға арналған 1 үй-жай).

Ақмола облысы әкiмдiгiнiң 2016 жылғы 17 маусымдағы № А-7/303 қаулысына сәйкес, дiни әдебиеттердi таратуға арналған 2 стационарлық үй-жай бекiтiлдi: Щучинск қ., Бурабай ауданы — «Кiтаптар әлемi» кiтап дүкенi және Жақсы ауданы Жақсы а. — «Жақсы» дүкенi.

Ақмола облысының аумағында 77 миссионер бар. Олардың арасында: 17 адам Польша азаматтары, 5 Филиппиннен, 5 адам Ресейден, 50 адам Қазақстан азаматтары.

34 православиенi, 26 миссионер католицизмдi, 17 миссионер протестантизмдi ұстанады.

Жыл басынан берi миссионерлердi тiркеу (қайта тiркеу) туралы 70 куәлiк берiлдi.

Шетел азаматтарының Қазақстан Республикасының заңнамасын бұзу фактiлерi, келу мерзiмiн қысқарту немесе облыс аумағынан тыс жерлерге миссионерлердi шығару уақиғалары орын алған жоқ.

Мемлекеттiк конфессиялық қатынастар негiздерiн түсiндiру, дiни экстремизмнiң алдын алу, облыста құқықтық және дiни сауаттылықты арттыру мақсатында, құрамына 214 адам кiретiн дiн мәселелерi жөнiндегi 23 ақпараттық-түсiндiру топтарымен (бұдан әрi — АТТ) кешендi ақпараттық-түсiндiру жұмыстарын жалғастырылуда.

Жыл басынан облыста АТТ 2095 iс-шара өткiздi, оған 49 344 адам қатысты.

Жалпы алғанда, АТТ мүшелерi өткiзген iс-шаралармен барлық негiзгi нысаналы аудитория қамтылды: жастар (жалпы бiлiм беретiн мектептердiң оқушылары, ТжКБ, ЖОО студенттерi, маргиналды жастар), мемлекеттiк және азаматтық қызметшiлер, әскери қызметкерлер, өндiрiстiк және коммерциялық кәсiпорындардың қызметкерлерi, дiншiл жамағат, сотталғандар.

01.10.2018 күнгi жағдай бойынша Ақмола облысының БАҚ-тарында дiни қатынастар саласындағы тақырыптарды жария ететiн 1591 материал жарық көрдi. Олардың iшiнде: баспасөз басылымдарында 434 материал жарияланды; облыстық және аудандық телестудияларда 69 телематериал көрсетiлдi (сюжеттер, бейнероликтер және телебағдарламалар); интернет-ресурстарда 1088 ақпараттық хабарлама орналастырылды.

Ақмола облысының ДIБ ғаламтор-ресурсы (udr.akmo.gov.kz) өз жұмысын жалғастыруда. Жыл басынан басқарманың сайтында әр түрлi сипаттағы 152 материал орналастырылды (басылымдар, фотосуреттер, бейнероликтер және т.б.).

Конфессияаралық келiсiм, шиеленiстердiң және дiни негiздегi қайшылықтардың болмауы, жүйелi ақпараттық-түсiндiру жұмыстарының нәтижесi болып табылады. Облыстағы дiни ахуал тұрақты.

Құрылған күні: 16.04.2015 17:52
Жаңартылған күні: 15.10.2018 16:23
Қаралым саны: 6127
Инвесторлар үшін Call-Center
+7 (708) 717-17-75

Қаз Рус Eng