Еңбекті қорғау

2019 жылғы 1-жартыжылдықтың қорытындысы бойынша
жүргiзiлген жұмыс туралы
ақпарат

Қазақстан Республикасының еңбек заңнамасы талаптарының жұмыс берушiлермен сақталуы бойынша, 2019 жылдың 1-жартыжылдығында мемлекеттiк еңбек инспекторларымен облыстың 262 кәсiпорны мен ұйымдары тексерiлдi.

Тексерiс барысында 284 бұзушылық анықталды, оның 229 — еңбек қатынастары, 45 — қауiпсiздiк және еңбектi қорғау, 10 — жұмыспен қамту. Тексерiс қорытындысы бойынша мерзiмдерi көрсетiлiп, жұмыс берушiлерге 146 ұйғарым берiлдi, оның iшiнде еңбек қатынастары бойынша 126, қауiпсiздiк және еңбектi қорғау — 17, жұмыспен қамту — 3.

Еңбек заңнамасын, қауiпсiздiк және еңбектi қорғау талаптарын көп бұзған 89 лауазымды және заңды тұлғаларға 2019 жылдың 1 жартыжылдығында 13723,4 мың теңге сомасында әкiмшiлiк шаралар қолданылды, сондай-ақ 7 ұйғарым берiлдi.

Ақмола облысы бойынша әлеуметтiк шиеленiс және еңбек жанжалдарының, сол сияқты өндiрiстiк жарақаттардың алдын алу мақсатында, еңбек заңнамасы негiздерi, қауiпсiздiк және еңбектi қорғау талаптары бойынша, Басқармамен кең ақпараттық-түсiндiру жұмыстары жүргiзiледi.

2019 жылдың 1-жартыжылдығында мемлекеттiк еңбек инспекторларымен кәсiпорындар және ұйымдардың жұмыс берушiлерi және лауазымды тұлғалары үшiн, 55 семинар өткiзiлiп, 908 адам тыңдаушы қамтылды.

Баспаларда және телекөрсетiлiмдерде Қазақстан Республикасының жаңа Еңбек кодексiн түсiндiру бойынша 15 шығарылым ұйымдастырылды.

Оқыту комбинаттарында жұмыс берушiлермен еңбек заңнамасының өзектi мәселелерiн талдау бойынша, 36 адам қамтылған 2 диалогтық алаң өткiзiлдi.

Астана, Көкшетау және Степногорск қалаларында ашылған еңбек қауiпсiздiгi және еңбектi қорғау мәселелерi бойынша бiлiмдердi тексерудi және оқытуды қамтамасыз ететiн оқыту-консультациялық орталықтарында Қазақстан Республикасының еңбек заңнамасы бойынша 652 басшы мен мамандар оқытылды және аттестациядан өттi.

Әлеуметтiк-еңбек жанжалдарының туындауына жол бермеу және алдын алу шараларын қабылдау мақсатында, Басқарма әлеуметтiк шиеленiстiң ошағы болуы мүмкiн кәсiпорындармен жұмыстар жүргiзедi. Бұл кәсiпорындар дағдарысқа қарсы штабтың отырыстарында қаралады.

2019 жылдың есептiк кезеңiнде дағдарысқа қарсы штабтың 2 отырысы өткiзiлдi, онда еңбекақы төлемiнiң берешегiнiң және қауiпсiздiк және еңбектi қорғау мәселелерi бойынша 27 кәсiпорын тыңдалды.

Сонымен қатар, 2 әлеуметтiк әрiптестiк және әлеуметтiк-еңбек қатынастарын реттеу бойынша үшжақты комиссия шеңберiнде қарау үшiн, 4 кәсiпорынға қатысты материалдар дайындалды.

Еңбек инспекциясының қабылдап жатқан шараларына қарамастан, облыстың кәсiпорындары мен ұйымдарында техникалық қауiпсiздiк, еңбектi қорғауды сақтамау нәтижесiнде, 2019 жылдың есептiк кезеңiнде 25 жазатайым оқиға болды, 26 адам зардап шектi, соның iшiнде 4 адам қайтыс болды.

Барлық жазатайым оқиғалар бойынша арнайы тергеу-тексерiстер жүргiзiлдi, өндiрiстегi жазатайым оқиғалар туралы актiлер жасалды. Iшкi iстер органдарына процессуалдық шешiмдер қабылдау үшiн, 25 материал жiберiлдi.

Жұмыскерлерге еңбекақы төлемiнiң мерзiмiнде жүргiзiлмеуi маңызды проблема болып қала бередi, осы бағытта мемлекеттiк еңбек инспекциясы оларды жабу бойынша тиiстi жұмыстар жүргiзедi.

2019 жылдың есептiк кезеңiнде облыстың 65 кәсiпорыны мен ұйымдарында 3472 жұмыскер алдында 384,3 млн. теңге сомасында жалақы берешектерi анықталды.

Мемлекеттiк еңбек инспекторларымен қабылдаған шаралардың нәтижесiнде, кәсiпорындармен жалпы сомасы 377,9 млн. теңге еңбекақы төлемiнiң берешектерi толық өтелдi, 3444 жұмыскердiң құқықтары қорғалды.

Еңбекақы төлемiн мерзiмiнде және толық көлемде өтемегенi үшiн, ҚР ӘҚБтК 87-бабының 1, 2-тармақшаларына сәйкес, 65 заңды тұлғаға 8,0 млн. теңге жалпы сомасында әкiмшiлiк ықпал ету шаралары қолданылды.

Еңбекақы төлемi бойынша қарыздардың қалдығы Басқарманың бақылауына алынды.

Бұл бағыттағы, еңбекақы қарыздарын жабу бойынша жұмыстар бiзбен жалғастырылып келедi.

Сондай-ақ, тексерiс барысында кәсiпорындар мен ұйымдардың еңбек ұжымдарында, семинарлар, оқыту курстарында ұжымдық еңбек келiсiмдерiн жасаудың мақсаттылығы жөнiнде, сол сияқты ұжымдық еңбек келiсiмдерiнiң жобаларын әзiрлеу және жасасу мәселелерi бойынша дәрiстiк түсiндiру жұмыстары жүргiзiледi. Қажет болған жағдайда, кәсiпорындар мен ұйымдардың өкiлдерi ұжымдық келiсiмнiң үлгiлiк макетiмен қамтамасыз етiледi.

2019 жылғы 1 шiлдеге облыстың кәсiпорындары мен ұйымдарында 6035 ұжымдық шарттар жасалып, қолданысқа енгiзiлдi, бұл облыстағы барлық жұмыс iстейтiн 9855 (жылдың басына) кәсiпорын мен ұйымның 61,2% құрайды.

Жасалған және қолданыстағы ұжымдық еңбек шарттарынан 1806 ұжымдық шарт мемлекеттiк кәсiпорындар мен мекемелерде жасалған, оның iрi кәсiпорындарда жасалғаны — 46, орта — 112, шағын — 1648, жеке кәсiпорындарда барлығы — 4229, оның iшiнде iрi кәсiпорындарда — 38, орта — 99, шағын — 4092 ұжымдық келiсiмдер.

Әлеуметтiк шиеленiстер мен еңбек жанжалдарының туындау тәуекелiнiң мониторингiне байланысты, Ақмола облысында әлеуметтiк шиеленiстiң орташа аясы сақталуда.

2019 жылдың есептiк кезеңiнде Ақмола облысы бойынша әлеуметтiк-еңбек жанжалдары тiркелген жоқ.

Қазiргi уақытта, мемлекеттiк еңбек инспекциясы облыстың кәсiпорындары мен ұйымдарында еңбек қатынастары, қауiпсiздiк және еңбектi қорғау аясында жүйелi, мемлекеттiк бақылауды iске асыру бойынша жұмыстарды жалғастыруда.

Құрылған күні: 25.04.2017 14:15
Жаңартылған күні: 10.07.2019 16:01
Қаралым саны: 10286
Қонақтарға арналған ақпарат
Инвесторлар үшін Call-Center
+7 (708) 717-17-75

Қаз Рус